2006 год можна лічыць годам стварэння дзіцячай фальклорнай групы “Васілёчкі”. Яна спачатку існавала як частка дарослага НФТ “Матуліна песня”. Дзеці заўжды былі сапраўднымі артыстамі, якія разам з дарослымі выступалі на розных канцэртных пляцоўках, ладзілі спектаклі і прымалі ўдзел на конкурсах і фестывалях.
2004 г.
Кіраўніком калектыву з’яўляецца Адамовіч Тарэса Антонаўна. Колькасць удзельнікаў у дзіцячым фальклорным калектыве не пастаянная. Цяпер яна налічвае 18 удзельнікаў ад 8 да 17 гадоў. Калектыў складаецца з дзвюх груп: старэйшая (канцэртная) і малодшая (падрыхтоўчая), удзельнікі якой спасцігаюць мастацкі свет праз малюнкі, лічылкі, спевы, вобразы каляндарна - абрадавых свят, гульні.
Акрамя пераймання мясцовых традыцый, каранёвых абрадаў, падчас заняткаў вядзецца навучанне дзяцей і моладзі народным спевам, танцам, а таксама музіцыраванню на беларускіх народных інструментах. Рэпертуар складаецца ў першую чаргу з адноўленых і бытуючых узораў каляндарнага і сямейна-абрадавага цыклаў, карагодаў, гісторыка-бытавых танцаў, пазаабрадавых песень мясцовага паходжання, гульняў, прыпевак, жартаў, інструментальных музычных найгрышаў і інш. У практыцы выкарыстоўваецца шэраг ударна-шумавых інструментаў: трохкутнік, трашчотка, круцёлка, бразготка, званочак, румба, лыжкі, рубель, падвойная трашчотка, біч і іншыя.
Дзіцячы фальклорны калектыў “Васілёчкі” – абавязковы ўдзельнік культурна-масавых мерапрыемстваў, якія праводзяцца аддзелам культуры, аддзелам адукацыі, спорту і турызму Гродзенскага райвыканкама, цэнтрам творчасці дзяцей і моладзі, а таксама фестываляў абласнога, рэспубліканскага і міжнароднага ўзроўняў.
У 2010 годзе “Васілёчкі” сталі пераможцамі Другога Рэспубліканскага агляду – конкурсу фальклорных калектываў “Веснавы танок” Міністэрcтва адукацыі Рэспублікі Беларусь у намінацыі “Лепшае ўвасабленне абрада валачобнікаў” .
У 2011 годзе “Васілёчкі” занялі трэцяе месца ў Гродзенскай вобласці, паказаўшы абрад “Зажынкі”.
У 2012 годзе з абрадамі “Вялікдзень” і “Гуканне вясны” “Васілёчкі” сталі пераможцамі Рэспубліканскага конкурсу “Юныя таленты Беларусі”.
На аснове палажэння аб правядзенні рэспубліканскага конкурсу фальклорных калектываў “Шчаслівы той, хто продкаў з чыстым сэрцам паважае” 18 сакавіка 2017 года на базе Гродзенскага дзяржаўнага абласнога палаца творчасці дзяцей і моладзі адбыўся абласны этап конкурсу.
На аснове рашэння журы пераможцам, які атрымаў I месца, стаў узорны фальклорны калектыў “Васілёчкі”.
У 2021 годзе “Васілёчкі” прымалі удзел у абластным фестывалі рэгіянальнага фальклору “Панямоння жывыя крыніцы” і сталі пераможцамі, заняўшы першае месца.
У красавіку 2021 года ў Дзяржаўнай установе адукацыі «Нацыянальны дзіцячы адукацыйна-аздараўляючы цэнтр “Зубраня”» адбыўся рэспубліканскі конкурс фальклорных калектываў у рамках рэспубліканскага конкурсу “Юныя таленты Беларусі”. Мэта конкурсу – выяўленне, падтрымка і развіццё творчага патэнцыялу таленавітых дзяцей краіны, якія займаюцца ў фальклорных калектывах. “Васілёчкі” атрымалі дыплом ІІІ ступені.
Юныя артысты з Жытомлі з'яўляюцца частымі гасцямі на канцэртных пляцоўках, спяваюць і танчаць, ладзяць спектаклі і праводзяць гульні.
Ходзяць з калядою.
На свяце пісанкі ў Сапоцкіне.
Ходзяць у валакайнікі.
На міжнародным фестывале валачобнікаў у Кнышыне (Польшча).
Масленіца ў Жытомлі Гуканне вясны ў Жытомлі.
Разам з народным тэатрам фальклору “Матуліна песня” прымалі ўдзел у праграме “Выправы да войску”.
Здымаліся ў перадачы “Наперад у мінулае” у свадзебных абрадах.
Мая ціхая песня дубраўная,
Не святочная, не былінная,
З росных травак, былінак сабраная,
Медунічная і палынная.
Як валошка ў сінім вяночку,
Кропля светлая ў ручаёчку,
Ты – праўдзівае і пяшчотнае
Слова матчына ў кожным радочку.
