Агульныя звесткі

Інфармацыйна-бібліятэчнае абслугоўванне насельніцтва Гродзенскага раёна ў 2020 годзе ажыццяўлялі 18 бібліятэк - філіялаў (з іх - 2 гарадскія, 1 гарпасялковая і 15 сельскіх бібліятэк) і  сектар пазастацыянарнага абслугоўвання насельніцтва інфармацыйна-бібліятэчнага аддзела.У 1 квартале працавалі 2 пункта выдачы (Гарадская клінічная бальніца №3, Гродзенская абласная клінічная бальніца), з 2 квартала прыпынілі сваю працу ў сувязі з неспрыяльным эпідэмічным становішчам.

У 2020 годзе паслугамі бібліятэк карысталася 9997 чытачоў, 20% ад насельніцтва раёна, з якіх 4169 - дзеці. Кнігавыдача складае 217248 экз., наведванняў – 149819, з іх віртуальных – 26000.

Ад агульнай кнігавыдачы выдача кніг і брашур склала 44,8%, перыядычных выданняў - 30,8%,  выданняў на беларускай мове - 9,2%.

Якасныя паказчыкі за 2020 год: чытальнасць - 21,7, абарачальнасць - 0,7, кнігазабяспечанасць - 30,3, наведвальнасць - 14,9.

Насельніцтва 59 аддаленых населеных пунктаў абслугоўвалі бібліёбус. Яго паслугамі карысталіся 639 чалавек, выдадзена 29098 экз. выданняў. У 2020 годзе бібліёбусамі было зроблена 207 выездаў па 13 маршрутах.

Бібліятэкамі-філіяламі надавалася ўвага абслугоўванню кнігай пажылых людзей. У 2020 годзе паслугамі бібліятэк карысталася 1627 жыхара пажылога ўзросту. З іх 1113 абслугоўваліся кнігай у хатніх умовах. Бібліятэчным абслугоўваннем было ахоплена 149 інвалідаў, сярод якіх 7 - інваліды па зроку. На працягу года чытачам пажылога ўзросту было выдадзена 56256. адзінак выданняў, з якіх 25356 дастаўлена на дом.

100% бібліятэк камп'ютэрызаваны, падключаны да сеткі Інтэрнэт і маюць электронную пошту, у т.л. у 2020 годзе – набыты 5 камп’ютараў (2 камп’ютара для інфармацыйна-бібліятэчнага аддзела, па аднаму для Луцкаўлянскай СБ, Абухаўскай СБ, Азёрскай СБ). Камп’ютарны парк налічвае 45 машын. На спонсарскую дапамогу СВК "Свіслач" для Свіслацкай СБ набыты каляровы прынтар.

Інфармацыйна-бібліятэчны аддзел мае свой уласны WEB-сайт. У аддзеле ўсталявана аўтаматызаваная бібліятэчная сістэма ALIS-WEB, якая забяспечвае камплектаванне фондаў, апрацоўку дакументаў, стварэнне і функцыянаванне электроннага каталога ў нацыянальным фармаце BELMARC. Скідзельская ГБСЧ і Скідзельская ГБ з 2019 года вядуць абслугоўванне чытачоў у аўтаматызаваным рэжыме. Пры бібліятэках працуюць 2 інфармацыйна-адукацыйныя цэнтры (у Скідзельскай ГБ СЧ, Парэцкай СБ), 8 мультымедыйных цэнтраў (Скідзельскай ГБ СЧ, Скідзельскай ГБ , Сапоцкінскай ГПБ, Верцялішкаўскай СБ, ІндурскайСБ, Адэльскай СБ, Квасоўскай СБ, і Абухаўскай СБ).