Этнаграфічны турнір
«Зямля Беларусі »
30.01.2021
Нам продкаў кемнасць захавала
Шмат весцяў дзіўных з быўшых год,
Хоць гэтых весцяў ўжо нямала
Ў няпамяць кінуў нам народ.
Усё ж яшчэ штось засталося
Унукам з прадзедаў жыцця…
Няхай жа гэтыя калоссі
Мінуць скаранне небыцця!
Янка Купала.
Шырока раскінуліся абсягі беларускай зямлі. Беларускі край славіцца гарадамі і вёскамі, рэкамі і азёрамі, багатымі і прыгожымі лясамі, лугамі і палеткамі. Але галоўнае багацце любой краіны – яе людзі, якія жывуць тут, ствараюць матэрыяльныя і духоўныя багацці, зберагаюць іх, каб перадаць нашчадкам.30 студзеня бібліятэкар, сумесна з дырэктарам Свіслацкага клуба, правялі этнаграфічны турнір пра Беларусь і беларусаў. Ён складаўся з некалькіх раўндаў. Дзеці падзяліліся на каманды і спаборнічалі адзін з адным за балы.І вядома ўвесь турнір праходзіў на беларускай мове, што цалкам акунула і дзяцей, і вядучых у этнаграфію нашай краіны. Нягледзячы на тое, што гэта быў турнір, у нашым мерапрыемстве перамагла дружба. І мы правялі час не толькі з карысцю, але і вельмі весела.
01.02.2021
