Этнаграфічны экскурс у гісторыю ручніка
“Крылы ільяныя - ручнікі”
прайшоў у Квасоўскай СБ
26.05.2021
25 мая адзначаўся Дзень беларускага ручніка.
Ручнік адлюстроўвае гісторыю народа, яго дух, творчыя мастацкае светаўспрыманне. Гэта найкаштоўнейшы здабытак беларускай культуры і мастацтва. Ва ўзорах тканых і вышываных вырабаў зашыфравана гісторыя жыцця людзей і прыроды, гісторыя роднага краю.
Беларускі ручнік адносіцца да тых прадметаў, якія належаць і мінуламу, і сучаснасці. Шмат стагоддзяў карыстаюцца ім беларусы. Ткуць і расшываюць яго і сёння, працягваючы ўдасканальваць прыгажосць, над якой працавала мноства папярэдніх пакаленняў.
Цікавасць да гэтага прадмета абумоўлена не толькі прыгажосцю яго тканага, вышыванага або плеценага дэкору, але і цеснымі сувязямі з абрадавым жыццём народа, сімволікай шматлікіх функцый. Па-ранейшаму ручнік абавязкова прысутнічае ў найбольш важныя этапы жыццёвага шляху чалавека.
Ручнікі разных рэгіёнаў адрозніваюцца мясцовым каларытам, формай і размяшчэннем узору, тэхнікай выканання.
26 мая ў Квасовскай СБ прайшоў этнаграфічны экскурс у гісторыю ручніка “Крылы ільяныя - ручнікі”, на якім бібліятэкар расказала аб гэтым цудоўным беларускім прадмеце.
У памяшканні бібліятэкі была аформлена прыгожая выстава «Крылы ільняныя - ручнікі», на якой былі прадстаўлены ручнікі жыхароў вёскі Квасоўка.
01.06.2021