Забаўляльна-гульнявая праграма да Дня абароны дзяцей
«Здравствуй, лето!»
прайшла ў Свіслацкай СБ
29.05.2021
29 мая, напярэдадні цудоўнага свята - Міжнароднага дня абароны дзяцей, работнікі Свіслацкай СБ і Свіслацкага ЦК павіншавалі жыхароў аграгарадка.
Гэты дзень сапраўды можна назваць святочным, бо для дзяцей была арганізавана забаўляльна-гульнявая праграма «Здравствуй, лето!», дзе яны гулялі і весяліліся разам з казачнымі героямі. Былі танцы, загадкі, казачныя квэсты і многае іншае. Кожнае дзіця атрымала салодкі падарунак ад Кікімары, Лесавіка і Бабы-Ягі.
Але на гэтым свята не скончылася і далей, хлопцы, разам з кікімарай - бібліятэкарам паўдзельнічалі ў спартакіядзе, якую дапамаглі арганізаваць работнікі Свіслацкай СШ. Там мы з дзецьмі спаборнічалі ў спартыўных гульнях, і, вядома, дзеці атрымалі салодкія прызы.
Пасля для юных гасцей мерапрыемства была арганізавана дзіцячая дыскатэка, а ў паркавай зоне размясціліся атракцыёны.
02.06.2021
